Heriotza ulertzen laguntzen diguten ipuinak

Txabi Arnal idazle ermuarrak Udal Liburutegiak umeekin heriotzaz mintzatzeko baliabide moduan argitaratutako Irakurketa Gida berri honen hitzaurrea eta liburuen aukeraketa egin ditu.

Gidaren 9 orrialdeetan heriotza, bizitzaren zikloa, heriotzaren zergati desberdinak doluaren bizipena umeengan edo hurbileko pertsonen galerari buruzko liburu, ipuin eta irakurgaiak proposatzen dira.

Gida Udal Liburutegiak argitaratu du eta, honi lotuta gidan bertan aipatzen diren materialak ezagutzen laguntzeko eta gure umeekin heriotzaz hitz egiteko proposamenak azaltzeko Txabi Arnal-ek gidatutako 2 tailer antolatu ditu.

Txabi Arnal, Ermuan jaioa, haur literaturako idazle ezaguna da, mota honetako lehen argitaletxeetan argitaratu ditu bere obrak eta UPV-EHUk Vitoria-Gasteizen duen kanpusean Magisteritzako Fakultatean eskolak ematen ditu.