Aktibatu + programan parte hartu, Anima zaitez!

• Etxeko gastuen %20 aurreztu nahi duzu?
• Ingurumena babestea garrantzitsua dela uste duzu?
• Bizikleta edo iPad bat irabazteko zozketan parte hartzea gustatu litzaizuke?

Ermuko Udaletik Aktibatu + programan parte hartzera gonbidatu nahi zaitugu. Aktibatu +, GAP (Global Action Plan) erakundearen eskutik dator eta Bizkaiko Foru Aldundia, Bilbao-Bizkaia Ur Patzuergoa, Energiaren Euskal Erakundea (EEE), GARBIKER eta Eroski Taldea erakundeek sustatzen dute.

Zer eskaintzen du Aktibatu + programak?

Era erraz eta praktiko batean energiaren, uraren, erosketen eta mugikortasunaren arloan dituzuen ohiturak aztertzea eta hobetzeko gomendioak jasotzea. Honela, hauek martxan jarriz gero:

• etxeko gastuetan %20rainoko aurrezpena lortu dezakezu,,
• ingurumena babestu eta zure herriko bizi-kalitatea hobetu
• eta azkenik, programa bukatzen baduzu, zozketa berezi batean sartuz, sari ederrak irabazteko aukera izango duzu: bizikletak, txangoak, ostatu liluragarriak, iPad-ak…

Nola parte hartu?

Izena eman Aktibate + web plataforman.

Posta elektronikoz, zuen ohiturak aztertzeko galdetegiak jasoko dituzu.

Galdetegiak bete eta programak eskaintzen dizkizun ekintzak praktikan jarri. Azkenik, ingurumenean sortu dituzun hobekuntzak kalkulatu ahal izango dituzu.

Ez galdu aukera hau!

Programa Bizkaiko Lurralde Historikoko hainbat toki eta eskualdeetan zehar ibiliko da eta aurtengo edizioan Amorebieta-Etxano, Debabarrenako (Ermua eta Mallabia) eta Durangaldeko udalerrietan burutuko da. Beraz, ez galdu aukera hau, ingurumenak eskertuko dizu, eta baita Bizkaiak eta planeta osoak ere. Gainera, etxeko aurrekontua hobetuko duzu eta programa amaitzen duzunean, sari interesgarriak irabazteko aukera izango duzu.