Gurutze Frades eta Imanol Larrañaga garaile Ermuko IV Duatloian

Bi garaileek Euskadiko txapela jantzi dute

Gurutze Frades (Mugarra Triatloi Taldea) iurretarrak irabazi zuen larunbat arratsean Ermuko Duatloiaren nesken kategorian 1:12:49ko denbora eginez. Aldiz, gizonezkoetan lehena helmugan eta irabazlea Imanol Larrañaga (Azkoitiko Triatloi Taldea) azkoitiarra izan zen, 1:02:09ko denboraz markatuz kronometroan.

Azken larunbatean Ermuan Ostots Triatloi Kirol Klubak eta Euskadiko Triatloi Federazioak antolatuta, herriko laugarren duatloia jokatu da. Proba, sprint (5km-20km-2’5km) distantzian korritu da eta hiru zati izan ditu. Proba Euskadiko sprint distantziako duatloi txapelketa ere izan da. Bi garaileak, Euskadiko txapeldun suertatu dira.

Taldeka, emakumezkoetan onena Mugarra Triatloi Talde durangarra izan da eta gizonezkoetan, berriz, Debagoienako Antxintxika Triatloi Taldea izan dira onenak.