Asteñehenean zabalduko da aurre-izenematea, opor garaian udalekuetan ederto ibiltzeko

San Juanak heltzeaz batera, Ermuko Udalak bi aste iraungo duten udaleku irekiei hasiera emango die. Udalekuak Lehen hezkuntzako ikasleei zuzenduta daude eta ondo pasatzeaz gain, euskaraz jardutea eta disfrutatzea du helburu. Horretarako, egitarau erakargarria osatu da, Antxitxiketan taldearen lankidetzaz. Hamar egunetan zehar, jolasak, txangoak, bisitak eta kanpo-egonaldiak egingo dituzte ekainaren 24tik eta uztailaren 5era bitartean.

Edizio berri honetan eskainiko den plaza kopurua 165koa da, 55 plaza multzoko. Plaza kopurua nahiko ez balitz, zozketa egin eta behin betiko zerrendak eta itxaron zerrenda osatuko lirateke.

Interesatuek astelehenean hasi eta maiatzaren 23ra arte zabalik egongo den aurre-inskripzioa egin beharko dute Abiapuntuko bulegoetan, 8:00etatik 15:00era bitartean, horretarako dagokion eskabidea bete eta aipatutako bulegoetan aurkeztu beharra dago. Behin aurre-inskripzioa amaitu eta gero, Web honetan behin betiko zerrendak argitaratuko dira eta gurasoek bost eguneko epea izango dute dagozkion tasak Euskara Sailean ordaindu eta behin-betiko inskripzioa egiteko.

• Egitarau zirriborroa
• Eskabidea aurkezteko eredua
• Zozketarako arauak
• Herritarrentzako informazio orria