Ateak zabaldu kirolari 2013 ekimen, igandean egingo

Bizkaian kirola eta bere jarduera sustatzeko egunak gauzatuko dira asteburu honetan, lurraldean dauden instalazioak ezagutzera emateko erabiliko dena. Ekimena Bizkaiko Foru Aldundiko Kirol Zuzendaritza Nagusiarena da eta, horretara Lurralde Historikoko bailara ezberdinetako hogeita hamasei udal atxiki dira, gurea barne. Hori horrela, Ermuko Udal Kirol Erakundeak (UKEk) kirolari ateak zabalduko dizkio eta kirolaren jarduera bera kalera aterako du hurrengo asteburuko igandean. Aurtengoan ekimenak bere zortzigarren urtea beteko du eta ‘Kirolari Ateak Zabalik’ lemapean burutuko da, kirol jarduera ugariren erakustaldi erraldoi.

Egun horretan hiritar guztiak batu nahi dituen kirol-jolas jardunaldi bat gauzatuko da; horretarako erakustaldian zazpi kirol jarduerak ikusi ahal izango dira: eskubaloia, zesta punta, xarea, atletismoko jolasak, txirrindularitzako abilezia zirkuitua, ur-jolasak edo lerro-patinekin irristaketa. Jarduerari hasiera emango zaio goizeko 11etan eta arratsaldeko ordu 1etan bukatuko.

Kirola herritar guztien eskubidea izan dadin laguntzeko, kirola gizarteratzeko, hezkuntzarako eta aisia osasuntsu erabiltzeko tresna bihurtzeko Europar Batasunak egin dituen gomendioen barruan kokatzen da jarduera hau. Erakustaldian Beti ondo, Orbe plaza eta bertako frontoia eta udal kiroldegia erabiliko dira.

Kamisetak, freskagarriak eta hainbat opari banatuko dira parte-hartzaile guztien artean.

• 2013ko Kirol Jaiaren programa
• Eskabidea