Pintxoaren hirugarren ibilbidea izeneko ekimena asteburuan gauzatuko da

Raúl Pavo González ostalariak pintxoaren hirugarren ibilbidea izeneko ekimena antolatu du, zeina asteburu honetan bertan gauzatuko den. Egitarauak larunbat eta iganderako jarduerak iragartzen ditu motorzaleentzat. Larunbat arratsaldeko hiru eta erdietan zabalduko da izen ematea, Sirimiri upeltegian bertan. Ordu eta erdi beranduago bildutakoen lehenengo txangoa egingo dute herritik hurbil ditugun eskualdeetatik zehar. Inskribatutakoek pintxo bana dastatuko dute, aurreikusitako geldialdia egiten dutenean. Arratsaldeko 7etan, Krav-Maga, defentsa pertsonaleko teknikaren erakustaldia izango da. Gaueko bederatzi eta erdietan afaria izango dute, izena emandako guztiek. Gauen musika eta giroa uztartuko dira, ‘The Grace of Dyonisus’ eta ‘The Romanticos’ musika taldeekin.

Festak aurrera egingo du igandean, Goizeko bederatzietatik migak eta kafea egongo da tabernan gosaltzeko. Ordu bete beranduago Bike show edo erakustaldia egingo dute. Hamaiketan txangoa eginen dute inguruko herrietatik eta Elgoibarko San Miguel gainean geldituko dira. Eguerdiko ordu batean musika eskainiko du “Road and Rock” taldeak. Ordu bi eta erdietan, bazkaria izango dute. Bazkalondoan, edizioko garaikurrak eta zozketak egingo dituzte. Arratsaldeko 6etan martxa hasiko da herriko kaleak zeharkatzeko eta aurtengoa edizioari agur esateko. Igandean stand eta postuak izango dira:eraikitzaileenak, tatuajeenak, aerografiakoak eta osagaien salmentakoak.

Raulek edizioaren berri eman eta hori zabaltzeko kartela argitaratu du, horretan egitarau eta ordutegiak eskaintzen dituelarik eta, baita, izena emateko moduak.