Azaleko minbizia prebenitzeko kanpaina Ermuan izango

Minbiziaren kontrako Elkarteak udaro azaleko minbizia prebenitzeko kanpaina abian jartzen du. Kanpaina horren barneko ekimena bihar Ermuan izango da, informazioa emateko xedez standa jarriko baitute herrian elkartearen kide diren pertsona eta boluntarioek. Antolatzaileek stand bat jarriko du herriko plazan arratsaldeko bostetatik zortzietara bitartean. Bertan nahi duten pertsonek zein azal mota duten jakin ahal izango dute eta baita azalean edozelako kalte edo gaixotasun ez izateko –horien artean minbizia bera- zeintzuk diren jokabide komenigarrienak.

Oraingo honetan eguzkiaren ondorio eskasak ezagutzearen alde eragin nahi da, horietaz jabetu gaitezen eta ezer ez gertatzeko neurriak har ditzagun. Eguzkiak aldeko eragin asko ditu gizakion osasunean, baldin eta bere neurrian hartzen bada. Aldiz, babestu ez ezik eta gehiegi hartuz gero, azala erre eta ondorio kaltegarriak izan ditzakegu.

Horren guztiaren berri emateko AECC elkarteko probintzi batzordeak herri, hondartza eta igerileku askotan dibulgazio materialak utziko dituzte, eguzkiaren ondorio txarrei buruzko informazioa izan dezagun eta horretaz jabetu eta babestu gaitezen.