Produktu uztarketa herriko denden erakusleihoetan

Ermuko Merkatari eta Ostalarien Elkarteko (EMOEko) kide diren hainbat establezimenduk “erakusleihoak uztartzeko’ ekimena berreskuratu eta bigarren edizioa gauzatzen ari dira egunotan. Ekimenaren xedea bezero eta herritarren arreta erakusleihoaren gune garrantzitsuan kokatzea da, horretarako denda ezberdinetako genero kontrajarriak uztartu eta aurkezten dituztelarik, nahasketa ezberdin horrek herritarron arreta bereganatzeko.

Erakusleihoetan produktu oso ezberdinen uztartze eta nahasketa, ukitu deigarri eta interesantea eginez. Konbinazioa erakargarri suertatzen da.

Aurtengo edizioan beren produktuak uztartu eta nahastu dituzte ondorengo establezimenduek: Sagardui poltsak Sare informatikarekin; Itze optikak Xiripot liburu-dendarekin; Elenco 2 izenekoak ‘El armario de Natalia’ dendarekin, Senen Bitxitegiak Anboto Burdin dendarekin eta, azkenik, Enter informatikak Valle Iturginarekin.