'San Martin' txapelketa bikotekako aizkolarientzat jokatuko igandean

Seigarren “San Martin” txapelketa bikotekako aizkolarientzat jokatuko igandean. Txapelketa kirol zinegotzigoak antolatu eta ordaindu du. Herri-kirol jaialdi hau San Martin kulturalaren barne txertatzen da. Txapelketa herriko plazan –Orbe Kardinalarenean- jokatuko da, eguerdiko hamabi eta erdietatik aurrera. Euria egingo balua, txapelketa eta jaialdia Aritzmendi pilotalekuan eginen da. Txapelketa aizkolarientzat izango den arren, ondoren erakustaldia egingo da herri kiroleko beste modalitate batzuek ere ikusi ahal izango ditugularik.

Kartelean iragartzen denez, aizkolariak bikoteka arituko dira. Bikote horiek ondoko kirolariek osatuko dituzte: Telletxea-Beltza, Zubizarreta-Mendieta eta Bihurri-Zelai. Bikote bakoitzak lodiera ezberdineko zortzi enbor moztu beharko ditu, ahal duen azkarren.

Jarraian, harri-jasotzaileek erakustaldia egingo dute. Erakustaldian Agustin Arrutik ‘Landarbidek’, Joseba Ostolazak eta Uretak hartuko dute parte. Horren atzetik, Hodei Ezpeleta gaztetxoaren txanda izango da, haur eta aizkolari honek hainbat enbor moztuko ditu.

• Aizkolarien VI. San Martín txapelketaren kartela