Mantenu lanak egiteko, rokodromo eta boulderra gaur zerbitzuz kanpo geldituko

Udal Kirol Erakundeak jakinarazi duenez Betiondoko rokodromo eta boulderra ezin izango dira gaurkoan erabili, zerbitzurik gabe izango baitira mantenu lanak egiteko. Geldialdi tekniko horrek egun osoa hartuko dute. Denbora tarte honetan mantenu prebentibo eta zerbitzuko lanak egingo dira instalakuntza sasoian eta modu egokian mantentze aldera, erabiltzaileak ahalik eta segurtasun berme handienekin ibil daitezen. Lanak enpresa adituko langileak egingo dute. Rokodromoa martitzenean irekiko da ostera ere, normaltasun osoz erabili ahal izango delarik. UKEk mantenua egiteak erabiltzaileei sor dakizkiekeen eragozpenak barkatzeko eskatu du.

Rokodromoa egokiro mantentzeko xedez, magnesio hautsaz estalitako eta izerdiaz ukitutako heldu lekuak bezalako elementuak urtean behin garbitzea beharrezkoa da, egituraren elementuetan eta paneletan prebentzio izaera duen errepasoa egiteaz gain. Gainera, jaisteko erabiltzen diren mosketoiak eta aseguratzeko dauden txapak aztertuko dira. Torlojuak errepasatu eta koipeztatu egingo dira, matxuraturik topatuz gero, elementua berri batengatik aldatuko delarik.

Mantenu lanen barne, egitura barnetik ere arakatu egingo da, baita koltxoiak eta zutabeetako babesak. Jaisteko sistema, aseguratze edo heltzeko txapa eta zintak ere miatuko dituztelarik teknikariek. Zaintze lan horiei esker, instalazioa egokiro mantentzen eta bere erabilera urteak luzatzen laguntzen dute.