Hernández garaipenik garaipen ziklokrosean

Aitor Hernández (Specialized-Garmar) txirrindulariak ez die lehiakideei aukerarik ematen. Garaipenik garaipen doa denboraldian eta aurreko asteburuan beste bi sari eskuratu ditu. Ermuarra puntuak metatzen jarraitzen du. Azken igandean Berrizen helmuga zehartu zuen lehena izan zen, Bizkaiko Txapela poltsikoratuz. Zirkuitua oso busti, lokaztu eta irristagarri zegoen arren, denboraldiko hamargarren garaipen lortu zuen.

Bezperan ere garaipena lortu zuen, kasu honetan Treto herrian (Kantabrian), lasterketa lasaiago eta bakarrik helmugaratu izan zelarik, lehiakideak atzean utzita. Adal-Treto Auzo-batzordeak antolatutako ziklokrosaren IX. edizioa.

Laburbilduz, Aitorrek bi garaipen gehiago eskuratu ditu azken asteburuan, denboraldiari hasiera ezin hobea eman eta sasoi betean dagoela erakutsiz. Aste honetan zehar buru-belarri dabil Federazio Kopako hurrengo proba prestatzen, zeina Navia herrian (Asturiasen) korrituko den. Iaz bertan lortu zuen aitorrek Espainiako txapelketa. Leku berezia du eta esan digunez “orain Navia dut buruan eta ahalegin guztia egingo dut bertan liderraren elastikoa defendatu eta horri eusteko. Zirkuitu berezia da niretzat, estatuko titulua lortu nuelako han”.