Eskolen arteko krosaren XII. edizioa jokatuko Betiondon

Ongarai auzoan eta Betiondoko zelaietan denboraldiko laugarren eta azken eskola arteko krosa jokatuko da asteburu honetan, Bizkaiko txapelketaren baitan. Ermuan egiten den hamabigarren edizioa da, ez jarraian egindakoa, Betiondo kirol gunea eraiki izan den urteetan etena egin baita, proba egin gabe. Lasterketa goizeko hamar eta erdietan hasiko da eta horretan parte hartu ahal izango dute benjamin aurre, benjamin, alebin, infantil eta kadete mailako korrikalari gaztetxoek, mutiko nahiz eta neskatoek. Antolatzaileek bi zirkuitu prestatu dituzte, txikiak 600 metroko luzera du eta, aldiz, handiak 900 metrokoa. Horiei itzuli bat edo gehiago eman beharko diote parte-hartzaileek kategoria eta adinaren arabera. Ibilbide teknikoa da, indarra eskatzen duena, maldak eta jaitsierak baititu, baina dibertigarri eta oso ikusgarria jarraitzaileentzat.

Aurre-benjaminen izen-emate orriak, Bizkaiko Federazioan nahiz Ermuko Atletismo Klubean dituzue eskuragai, horiek behera ekarri eta beteta ekarri ditzakezuelarik. Izen-eman ahal izango da baita lasterketak hasi aurretik idazkaritzan bertan. Datu guztiak eta informazio osagarria ikusteko joan www.atletismoermua.com webgunera.

Proba iragartzen duen kartela pdf formatoan, ibilbideak eta kategorien berri zehatzarekin.