Liburutegiak ‘senidetutako’ zebitzu belgikarra ezagutarazteko haren argazkiekin erakusketa jarri du

Ermuko udal Liburutegiak eraikinaren sarreran argazki erakusketa jarri du, Belgikako Tielt-Wingeko liburutegia gure artean ezagutzera emateko xedez. Ermuko Liburutegia pareko belgikar zerbitzuarekin senidetuta dago azaroaz geroztik, NAPLE Sister Libraries europar elkartearen bitartekaritzari esker buruturiko eragiketan.

Ekimen hau estreinakoz egin da aipatu liburutegi horrekin elkarlanean. Senidetasun hitzarmenean jasotakoari jarraiki aipatutako aldizkako harremanei eta esperientzia-trukeari hasiera eman diogu. Gainera, hango liburutegian gure liburutegi eta herriko argazkien erakusketa jarri dute, herri bietako biztanleok elkarren berri izan eta ezagutzerik izan dezagun.

Tielt-Winge Belgikako Flandestar eskualdean kokatuta dagoen 10.000 biztanle inguruko herri bat da. Bi dira hizkuntz ofizialak: frantsesa eta holandarra, eta honez gain herriko biztaleek ingelesa ere badakite. Herri hau lau nekazaritza-barrutik osatzen dute (Tielt, Sint-Joris, Meensel-Kiezegem eta Houwaart). Bi liburutegi dituzte Tiel-Wingen, nagusi bat eta haurrentzako zerbitzuak eskaintzen dituen beste bat.

Kultura Ministerioko Liburutegien Lankidetzarako Zuzendaritza-orde Orokorrak koordinatzen du NAPLE Foruma eta horren kide dira udal liburutegi publikoak garatzeko estatu agintariak eratutako elkartea. NAPLEren helburuak Europan kooperazioa, lankidetzaren koordinazioa eta udal Liburutegien garapena dira.

NAPLEren ekimenetako bat errealitate eta interes berdinak dauzkaten europar hiri desberdinetako liburutegi publikoen arteko senidetze hitzarmenak sinatzea da.