Ermuko V. Duathloiak denboraldi berri eta euskal-nafartar egutegiari hasiera emango dio

Ermuko Ostots Triatloi Kirol Klubak herriko bosgarren duatloi proba antolatu du aste honetak -otsailren 8ko- larunbatean jokatuko dena. Denboraldiko lehenengo proba izango da euskal eta nafartar egutegiaren barne. Proba bikoitzaz gozatzeko aukera izanen dugu: goizeko 11etan duatloi txikian parte hartuko duten benjamin, alebin eta infantilekin eta arratsaldez, kirolari helduekin. Bigarren horretan, antolatzaileek ehundaka parte hartzaile baino gehiago biltzea espero dute. Ostots taldeak duatloi proba konbinatua antolatu du, otsailaren 8an jokatuko dena, arratsaldeko 4etatik aurrera. Ostotsek antolakuntzan gure Udalaren, UKEren, Triatloi federazioaren laguntza du. Proba hori Euskadiko txapelketaren barne txertatuko eta horretarako baliagarri izanen da. Probak oinez eta bizikletaz gaineko lasterketak uztartuko ditu. Kirolariek oinez eta bi zatitan guztira 5 kilometro bete beharko dituzte, aldiz, bizikleta gainean 20 kilometroko ibilbidea egin beharko dute, amaitu aurretik beste 2,5 kilometro korrituz. Probari hasiera emango zaio arratsaldeko lauretan. Trantsizio gunea Orbe Kardinalaren plazan egongo da.

Duatloi honetan triatloi lizentzia indarrean dutenek pertsonek bakarrik korritu ahal izango dute federaturik ez dauden pertsonen izen-emateak ez baitira onartuko. Izen-emateak Euskadiko Triatloi Federazioaren webgunearen bidez egin behar dira. Izen-emateak 25 euro balio du eta gehienez ere 190 kirolari onartuko dira. Antolatzaileek ia 2000 euro banatuko dituzte saritan. Eta kirol materiala eta opariak zozketatuko proba amaitzen duten guztien artean.

Probaren inguruko zehetasun eta argigarri guztiak Ostots Klubaren eta Bizkaiko Federazioaren webgunetan dituzue.