Argitalpen informatiboa, 2014ko aurrekontuak prestatzeko parte-hartze prozesuari buruzkoa

Gure udalak 2014ko aurrekontuak prestatzeko herritarrekin konpartituriko parte-hartze prozesuaren nondik norakoak eta laburpena jasotzen duen argitalpen informatiboa kaleratu du. Argitalpena ohiko egunkariaren antzekoa da, tabloidea, ia A3 tamainaren ingurukoa, 290mm X 390mm, koloretan inprimatua, elebiduna, 16 orrikoa -8 euskaraz eta 8 gazteleraz-, argazkiak eta grafikoak dituena. Aleak gauzatutako prozesua biltzen eta laburtzen du; horren ezaugarriak, egindako bi bileren nondik norakoak, herritarrek proposaturiko gaien zerrenda osoa, proposamenei emandako erantzuna eta ermuarrak gahien kezkatzen gaituzten gaien inguruko xehetasunak: langabezia, gardentasuna eta gizarte-laguntzak. Aleari amaiera emateko herritarron ekarpen eta prozesua bera baloratzen dira.

Ermuko familia bakoitzak ale bana jasoko dugu gure etxeko gutunontzietan gaur eta datorren astelehenaren bitartean, banaketa egingo duen enpresaren beharren arabera. Argitalpena parte-hartze prozesu horren ondorio zuzena da, bilera eta saioetan parte hartu zutenek informazio kanalak gehitzea eta hori bide gehiagotik hedatzea eskatu eta aldizkari edo argitalpen bat prestatzea eta guzti eskatu baitzuten, non guztioi dagozkigun gai garrantzitsuak lantzeko eta horien berri emateko. Horren haritik, esan behar dugu aurtengorako lautik sei argitalpen prestatzeko asmoa dugula herritarrak informatzeko xedez: Aurrekontu Orokor, urtealdi ekonomikoaren kitapen, HAPO eta bestelako gai eta proiektu garrantzitsu eta interes orokorren inguruan.

Jarraian, lehenengo argitalpenaren bertsio digitala uzten dizuegu Pdf formatuan.

• Parte_hartzeari buruzko argitalpena 1