Marka hautsi du UKEk: 1.300 ikasto egile eta 120 ikasto eskainiz

Ermuko Udal Kirol Erakundeak (UKEk) 1.300 pertsona ditu inskribatuta jarduera kanpaina berriko kirol ikastaroetan, erakundeak bere webgunean eta bidali digun oharrean aditzera eman duenez. Hasi berri dugun hiruhilerako, 1.300 pertsonek izen-eman dute UKEk eskaintzen dituen 120 ikastaroren batean, orain arteko kopuru guztiak hautsiz eta errekorra ezarriz, ikastaro egileen kopuruan zein eskainitako jarduera kopuruan. Udaberriko hiruhileko eskaintza berri honek hainbat berritasun ditu dakartza, azpimarragarri izanik: hipopresiboen 4 ikastaro berri, saioko 30 minutukoak, azken hilabetean eskaintzari handiena izan baita eta beste hainbat proposamen berri, hain zuzen ere irristaketara hastapena, estalpeko zikloa, crosstrain, gapc eta aquatonic.

Gimnasia abdominal hipopresiboaren lau ikastaro berri

Ikastaro hipopresiboak dira hazkunde handiena duten jarduerak, ikastaro bakarretik eskaintza laura igaroz eta, aukeran, ordutegi anitz gehiagorekin. Modalitatea orain arte izan ditugun beste batzuen eskariekin parekatzen delarik, esaterako, pilatesarekin.

Premium Tarifa: aukeran 18 jarduera eta 115 ordutegi ezberdin

Jarduera hauek guztiak ezagutzeko aukerarik onena Premium Tarifa dugu: hileko 41,65 euro ordainduta aukeran 18 jarduera ezberdinez gozatzea ahalbidetzen gaituena. Ordutegi eta aukerak oso zabalak dira, 115 posibilitate baititugu. Unean une nahi dugun edozein jarduera egin ahal izateko erosotasuna da azken hilabeteetan 300 pertsonek tarifa hau aukeratu izanaren arrazoia.

Izen-emateak une oro zabalik eta bigarren hamabostalditik aurrera deskontuak

Azkenik, UKEk gogorarazten digu hiruhilekoan zehar izena emateko epea irekita mantenduko duela, libre dauden plazak bete artean. Horrez gain, bete diren ikastaroetarako itxaron zerrendaz baliatuz izena emateko aukera badugu, hiruhilekoan hutsunerik egonez gero, zerrenda horri jarraiki beteko bailirateke. Ez ahaztu, hileko 16. egunetik aurrera Fitnessen eta Premium Tarifan izena dutenek %40ko deskontua izango dutela.

Ikastaro eta gainerakoei buruzko informazio osoa UKEren webgunean duzue, edo M.A.Blanco Kiroldegian zein Betiondo Kirol Gunean.