Laguntza teknologikoko saio berriak udal liburutegian

Udal Liburutegiak laguntza pertsonalizatuko espazioa eskainiko du berriz ere aste honetan, gure gizartean egunero erabiltzen ditugun gailu teknologiko eta tresna informatikoei (telefono, ordenagailu, tableta digital, eta abar) etekina edo mamia ateratzen ikasteko espazioa. Sarri, izaten zaizkigun zalantzak non eta nori galdetu ez dakigun horiek argitzeko espazioa.

Banako eta pertsonalizatutako hitzorduak dira, ordu laurdeneko iraupenekoak, eta Uni Eibar-Ermuko Informatikako ikasleak dira azalpenak ematen dizkietenak hala eskatzen duten pertsonei. Hitzordua hartzea ezinbestekoa da, 943179212 telefono zenbakian, e-posta mezua edo idatzia biblioteca@udalermua.net helbidera bidaliz eta Liburutegian bertan.

Laguntza teknologikoen egutegia: martxoaren 22an, osteguna, arratsaldeko 16:00etatik 18:00etara eta maiatzaren 23an, ostirala, goizeko 10:30etik 12:30era.