1.468 lan eta gizartearen orientazio-ekintzak 2013an

Torreta Etxean ematen den Enplegu eta prestakuntzarako orientazio-zerbitzuak aukera ematen du esku hartzeko estrategia pertsonalizatuak garatzeko; besteak beste: orientazio- eta informazio-faseak; ibilbide pertsonalizatuak diseinatzea, enplegua errazago lortzeko; baliabideak prestakuntzara eta/edo enplegura bideratzea, ibilbide hori abian jartzeko; eta esku-hartzearen fase guztietan laguntzea; bai eta haien ebaluazioa eta geroko jarraipena ere.

Azpimarratzekoa da lankidetza estua dagoela Udaleko Gizarte Zerbitzuekin, eta, horretarako, diziplina anitzeko lantalde bat sortu da, inguruko gizarte- eta komunitate-zerbitzuen sare osoarekin koordinatuta lan egiten duena.

Egindako orientazioa gizarte- eta lan-esparrukoa da argi eta garbi, pertsonekin alderdi anitzeko ikuspuntu batetik esku hartzen delako, bizitza-esparru guztietan, eragin berezia izanik gizarteratzeko eta laneratzeko prozesuetan.

Pertsonak gizarte-esparruko erreferentziazko profesionalen laguntza du Udaleko Gizarte Zerbitzuetako Sailaren bidez, bai eta lan-esparruko profesionalena ere, Toki Garapenerako Sailaren bidez.

Jarduera hori egiteko, aldi batzuetan Lanbide Euskal Enplegu Zerbitzuaren ,Bizkaiko Foru Aldundiko Ekonomia Sustatzeko Sailaren eta Europako Gizarte Funtsaren diru-laguntzak izan dira; beste batzuetan, berriz, Udalaren bitartekoekin egin da jarduera bera.