'Afrika Beltza: ezagutzea elkarbizitzaren oinarria II' Aniztasuna Eskolako hitzaldia

Diógenes Sabana Bisoko abokatu eta aholkulariak Aniztasunaren Eskolako hirugarren saioa emanen du gaur Lobiano Kulturgunean, arratseko sei eta erdietatik aurrera. Saioari jarri zaion titulua honakoa da: “Afrika Beltza: ezagutzea elkarbizitzaren oinarria II”.

Diógenes Sabana abokatua eta gizarte aholkularia da, elkarbizitzan eta bitartekaritzan aditua dena. Saio hau ostera ere antolatu izan da maiatzean egindakoari jarraiki, haren ondoren errepikatzeko eskaera handia izan baitugu. Afrika kontinenteak piztu duen ikusmina ikusita, hitzaldiak luzatzea eta abenduan egingo dugun hirugarren batekin amaiera ematea erabaki dugu. Hitzaldiotan afrikarren ohituratan eta bizitzeko moduan sakontzen da, gure artean ditugunak hobeto ezagutu ditzagun.

Tailer eta saioak Aniztasunaren Eskolako egitarauaren baitan txertaturik daude. Aniztasunaren Eskola ekimenaren bidez ermuarroi oro har eta interesatuei bereziki immigrazioaren inguruko datu, ezagutza eta bitartekaritzan erabil ditzakegun tresnak aurkeztu nahi zaizkigu, herriko elkarbizitza kulturalarentzat mesedegarri izango delakoan.

• Saioa iragartzen duen kartela