Bertso jaialdia ederra Ermua Antzokian

Ermua Antzokian bertso jaialdia izango da ostiral gauean. Jarduera hori ‘Euskal Birusa’ elkarte euskaltzaleak antolatu du. Ekitaldia San Martin Kulturalaren barne dago. Ikuskizuna Antzokian egingo da gaueko hamarrak eta laurdenetan hasita. Sarrerak 10 euro balio dute eta jada salgai daude Lobianon, BBKren orotariko kutxazainetan eta banketxearen webgunean.

Aurtengo bertso jaialdiaren ezaugarri, emakumeak nagusi izatea izango da. Eszenatokira igoko diren zazpitik sei andrazko baitira, bost bertsolari eta gai jartzailea bera. Punta-puntako bertsolariak ikusteko aukera izango dugu: Maialen Lujanbio, Uxue Alberdi, Alaia Martin, Onintza Enbeita, Iratxe Ibarra eta Andoni Egaña. Seikoteak Bertso Jaialdia eskainiko du gaueko 22:15etatik aurrera. Ikusmen handiko bertso jaialdia izango da, kalitatezkoa. Beraz, bertso saio bizia eta freskoa espero da. Gai jartzaile moduan Ainhoa Aranburu arituko da. Giro aparta gau hotzean!

Azpian iazko jaialdiko argazkien bilduma uzten dizuegu. Lana Oscar Blanco Gutiérrez kolaboratzailearena da.