Aitor Hernandezek asteburu borobila sinatu du, jarraikobi garaipen lortuta

Aitor Hernandezek asteburu borobila sinatu du. Ermuarrak bi garaipen lortu ditu larunbata eta igandean korrituriko lasterketetan, hurrenez hurren. Larunbatean Arbulon (Araban) irabazi zuen sasoi betean dagoela erakutsiz eta atzokoan Colindres (Kantabrian) herrian. Azken honetan lan asko egin behar izan zuen, arazo mekanikoak zirela medio, bi aldiz bizikleta aldatu behar izan baitzuen. Aitorrek sofritzen badakiela erakutsi zuen, atzean geratu arren birritan lasterketa bururaino joatea lortuz eta proba erditik bere erritmo gogor eta bizia jarri eta lehiakideak mendean hartuta. Atzokoa denboraldiko bederatzigarren garaipena du Aitorrek, horiei esker Espainiako Kopan liderra dugularik. Denboraldiari hasiera ikaragarri ona eman dio. Asteburuko lasterketa biak ez ziren baliagarri estatuko koparako, hala eta guzti, Aitor borrokalari peto-petoa eta anbizio handikoa da iazko erregistroak hobetu nahi dituelako.

Lasterketa amaieran ondorengoa adierazi zuen: “Helburua bete dut. Bizikleta aldatu behar izan arran gaipena lortu dut eta pozarren bueltatuko naiz etxera. Gaur oso garrantzitsua izan da taldearen lana eta babesa eta mekanikoei biziki eskertu nahi diet egindako guztia. Oso garrantzitsua da kideak bat eginda egotea, horrelako egoerei azkar baten eta denbora galdu gabe erantzun ahal izateko. Lasterketari dagokionez gustura jardun dut, hainbat gauza findu eta hobetuz, hurrengoei begira konfiantza izateko. Buruan daukat jada datorren astekoa, Navian korrituko dudana, eta Kopako lidergoa mantentzeko lan egitea”.