e-liburutegia: material digitala mailegatzeko zerbitzu berria

Ermuko Udal Liburutegia, Euskadiko Irakurketa Publikoko Sareko gainontzeko liburutegiek bezala, aste honetatik zerbitzu berria bat eskaintzen dute: liburu digitalen mailegua.

Plataforma berri honen bidez liburutegiko bazkideek argitaletxe gehienek argitaratutako liburuak formatu digitalean eta legeak babestuta irakurri ahal izango dituzte. Mailegu-sistema paperezko liburuekin erabiltzen den antzekoa da eta gainera ez da beharrezkoa liburutegira joatea.

Zerbitzu hau erabili ahal izateko www.euskadi.net/eliburutegia edo www.ermua.es/biblioteca liburutegiko web orrian sartu behar da. Aipatutako bi helbide hauetan oso eskuliburu praktiko eta bisualak daude zalantzarik izanez gero kontsultatu ahal izateko.

Formatu digitalean irakurtzeko hiru baldintzak:

1. Liburutegiko bazkide izan eta zure erabiltzaile eta pasahitza ezagutu.

2. Interneteko konexioa eta Adobe Digital Editions programaren ID bat eduki. Aurrera eraman jarraibideak.

3. Liburu elektronikoen irakurgailu bat, smartphone, tableta edo ordenagailu bateragarria eduki.

eLiburutegiaren mailegu baldintzak honako hauek dira:

• Maileguen iraupena 21 egunekoa da. Epea amaitzerakoan liburua zure irakurgailutik desagertuko da.
• Erabiltzaile batek gehienez bi liburu mailegatu ahal izango ditu aldi berean.
• Gainera, erabiltzaile batek bi maileguez gain erreserba bi egiteko aukera izango du.
• Mailegua iraungi baino 5 egun lehenengo gogorarazteko mezua bidaliko zaio erabiltzaileari.
• Mailegatutako liburua eskuragarri egon daiteke 6 gailutan eta 6 ordenagailutan aldi berean.