Pedro Miguel Etxenike llenó el auditorio de Izarra Centre

Pedro Miguel Etxenike zientzilari eta fisikariak txiki utzi zuen barta arratsean Izarra Centre eraikinaren auditoriuma. Nafarrak hitzaldi oso entretenigarria egin zuen, azalpen, adibide eta aipamen ugari emanez, entzuleen arreta uneoro mantenduaz. Ekitaldia Izarra Fundazioak antolatu zuen eta hitzaldi ziklo baten barne txertatzen da, hori enpresa, ekintzaile eta unibertsitateko ikasleentzat –batez ere- pentsatuta dagoelarik.

Izabakoa zientzia zale amorratua da, hori zabaltzen eta ezagutzera ematen lan eskerga egin duena. Etxenikek hizkera ulerterrazean, zuzen eta hurbiltasunaz hitz egin zigun zientziak gure ohiko bizitzan duen eragina zenbaterainokoa den azalduz. Pedro Miguel Etxenikek Ermuko hitzaldi honetan zientzia, ekonomia, sormena eta kultura hizpide izan, gizarteetako garapenean elkarren artean loturik daudela agerian jarriz. Bere mezua unibokoa izango da, zientziari sorbalda ematen dioen gizarteak ez du behar bezala aurrera egingo, ez sozialki ez eta ekonomikoki ere.

Hitzaldiari ez dago zer erantsirik. Benetan ona eta argigarria. Horregatik saioan esandako guztia MP3 formatuko artxiboan uzten dizuegu, edozein arrazoirengatik galdu zutenak esandakoa ezagutzeko aukera izan dezaten eta, egon ginenak, bigarrenez entzun eta gozatu ahal izateko.