Ordutegi berezia Liburutegian azterketak prestatzeko

Ermuko udal Liburutegiak, ordutegia luzatuko du beste behin hala nahi duten ikasleek urtarrila eta otsaileko azterketak bertan prestatzeko aukera izan ditzaten.

Urtarrilaren 13tik 22ra bitartean liburutegia 14 ordu eta erdi zabalik egongo da etenik gabe, goizeko 9:30etik gaueko 12:00etara, astelehenetik ostegunera. Ostiraletan, aldiz, ohiko ordutegian irekiko da, hau da, 9:30etik 20:30era bitartean.

Denboraldi honetan asteburuetako ordutegia ere luzatuko da, beraz 10:00etatik 14:00etara eta 16:00etatik 20:00etara zabalduko da.