Aitor Hernández hirugarren izan da Gueñeseko ziklokrosean

Aitor Hernandezek hirugarren postuan bukatu zuen atzo Bizkaiko Gueñes herrian jokatu zen ziklokroseko lasterketa. Ermuarra nolanahi podiumera igotzea lortu zuen Javier Ruiz de Larrinaga irabazlearekin eta Ismael Esteban bigarren sailkatuarekin batera.

Ermuarra ez zen gauza izan lasterketaren buru eta jabe izateko, gustuko duen bezala. Arrazoiak hainbat, tartean, arabarrak zortzi egun lehenago estatuko txapeldunorde geratu izanaren ordaina hartu eta, oro har, karrera, egun eta zirkuitu bakoitza bakarrak eta diferenteak izan ohi direla.

Datorren asteburuan Aitorrek Herbehereetan beste bi proba garrantzitsu korrituko ditu, Mundialera iritsi baino lehen.