UKEk zeru zabaleko kirol jarduerak berreskuratu ditu Betiondon

Udal Kirol Erakundeak (UKEk) zeru zabaleko jarduerak bertan behera utzi zituen aurreko ostegunean, elur eta hotz denboralearen eraginez. Egun horretan erakundeak Betiondo Kirol guneko futbol-zelaian eta atletismoko pista elurrez estalita eta izotzez zeudenez, bertan egiten diren jarduerak ez baimentzea erabaki zuen, kirol eta erabiltzaileen segurtasuna bermatze aldera. Denboralea pasa eta eguraldiak hobera egin duenez gero, kirol guneko eraikinaren kanpo aldean egiten diren jarduerak berreskuratzeko baimena eman du. Jarduerak posible dira, atzo arratseko lauretatik, erakundeak zabaldu duen ohar batean jasotzen denez.