Irakurtzen zain: irakurketa txoko berriak ditugu Osasun Zentroan

Ermuko Udal Liburutegiak herriko Osasun Zentroarekin akordioa egin du zerbitzu honetako lehen eta bigarren solairuetan irakurketa txoko bana jartzeko.

Bi txoko berri hauetan apalategiak daude, non liburuak, aldizkariak eta udal Liburutegiaren argitalpen eta materialak erakusten diren, hau dena itxaronaldia atseginagoa egiteko asmotan.

Gune hauetan topatu daitezkeen hainbat liburu eta aleak herritar partikularrek Liburutegiari emandakoak dira.

Irakurtzen itxaroten dut izeneko bi eremu hauek orain dela 10 urte Liburutegiak eta Osasun Zentroak akordioan adostu zuten Pediatria gunean ezarritako lehengo irakurketa txokoaren osagarriak dira.