Aitor Hernández mendi bizikletako eta Cross Country Olinpiko (XCO) 2015eko Euskadiko txapelduna da

Aitor Hernández mendi bizikletako eta Cross Country Olinpiko (XCO) 2015eko Euskadiko txapelduna da. Ermuarrak titulua poltsikoratu du asteburu honetan, Iturrotz Txirrindulari Elkarteak antolatu eta Nafarroako Izkue herrian atzo jokatu zen XXV. Galtzagorri Saria irabazi ondoren.

Eguneko ezaugarri nagusia beroa izan zen. Azken egunetako eguraldi onaren ondorioz, zirkuitua siku eta azkarra edukitzea posible egin zuen. Elite mailan hasieratik taldea eratu zen, non Aitor Hernández, Alexander Ordeñana, Diego Latasa, Asier Arregui, Igor García Openeko buru den, José Antonio Diez Arriola zeudelarik. Amaitzeko bi buelta geratzen zirenean, Aitorrek erasoa jo eta besteak atzean utzi zituen, helmuga bakarrik zeharkatuz.

Lasterketa guztiak amaitu eta gero sari banaketa egin zen. Ekitaldi horretan Iturrotz Txirrindulari Elkartea eta Izkue herria omendu zirelarik, lasterketa antolatu izan dutelako hogeita bost urte jarraietan. Euskadiko Opena Gipuzkoara jauzia egingo du bi asteburu barru, maiatzaren 23an Pasaian korrituko baita.