2015eko Santixau jaien egitaraua, gure etxerako bidean

2015eko ‘Santixauen’ egitarau ofiziala etxean jasoko dugu laster batean. Hemendik egun gutxira hasiko gara tiradaren 8000 aleak herritarren gutunontzietan banatzen. 7500 ale banatuko zaizkigu herrian, famili ermuar bakoitzari bana utzita gure gutunontzietan, gainerako bostehunak beste erakundeetara bidaliko direlarik, esaterako inguruko udaletara. Egitaraua hiru formatutan argitaratu da, ohiko esku tamainakoa (B5), poltsikoko tolesgarria eta, azkenik, aldizkari itxurako formatu handian (A4). Musika atalean aipatzekoak dira ‘Arrebato’ taldeak –uztailaren 19ko zapatuam, San Pelaio parkean eta gaueko hamaika eta erdietatiuk aurrera emango duena. Eta baita ‘Emon’ eta ‘Jeanette’ uztailaren 27ko zapatuan, hurrenez hurren, gaueko 10etan eta 00:30etan emango dutena.

Egitaraua Ermuko udalak eta Leoneko ‘Mic’ argitaletxeak argitaratu dute elkarlanean, azken urteetan egin bezala. Egitarauaren azalean Lucas Fernandezen kartela ageri da, aurtengo lehiaketaren irabazleena. Argazkiak, Ainhoa Lasuen eta Roberto Tejada kazetarienak dira. Egitarauan alkatearen agurra, drogen prebentzioari buruzko Gizarte Ekintza zerbitzuko mezua, euskara sailarena eta tratu txarren kontrakoa jasotzen dira. Horrez gain, aurtengo alean Zezen eguneko paella lehiaketako oinarriak ere erantsi dira guztion ezagutzarako, urtero Ongarai auzoan botako diren suziriak segurtasunez ikusteko lekurik onenak zeintzuk diren adierazten dituen planoaren ordez, oso ezaguna baita. Iazkoan bezalaxe, aurtengo programak herriko denda eta enpresen publizitatea dakar. Programa horren aurrerapen digitala, hemen duzue kontsultatzeko. Programa ikus eta behera ekar daiteke baita ere, web korporatibo honen sarrerako orrialdean utzi dugun ikonoari eraginez.

• 2015eko Santixauen programa