Hamabi emakumek sortutako laburmetraiak aurkeztuko dira astelehenean Lobianon

Datorren uztailaren 6an, astelehena, “Minutuko Bideoa: Emakumeak Elkartrukean” tailerrean sortutako laburmetraiak aurkeztuko dira, Ermuko Jabekuntza Eskolaren eta Kultura, Communication y Desarrollo ONGDaren eskutik.

Ermuko Emakumearen Topalekuan izan da tailer ibiltaria, ekainaren lehen erdian, eta 18 urtetik gorako emakumeak ikus-entzunezko erremintekin trebatzea zuen xede. “Film Sozialak” Nazioarteko Zinema Ikusezinaren Jaialdiaren eta Kairoko Emakumezkoek egindako Zinemaren Nazioarteko Jaialdiaren arteko lankidetza-hitzarmenetik sortutako tailerra izan da.

Guztira, hamabi emakumek hartu dute parte formazioan, eta Amal Ramsis dokumentalista egiptiarra izan dute gidari. Oinarrizko errealizazioa ikasi ostean, parte-hartzaileek euren laburmetraia propioak sortu dituzte, minutu bateko iraupenekoak. “Gehiegikeriak” izan da tailerraren gai nagusia.

Hamabi lanak datorren astelehenean ikusi ahal izango dira, 18:30etik aurrea, Ermuko Lobiano Jauregian. Sarrera doakoa izango da, eta sortzaileek euren esperientziak kontatzeko aukera izango dute.

Lerro hauen azpian ikus dezakezue ekitaldia iragartzen duen kartela.