Hilabete barru hasiko da Folkez Blai lehiaketaren X. edizioa

Datorren irailaren 10ean, osteguna, Folkez Blai folk musika taldeen arteko lehiaketa abiatuko da Ermuan. Herrian aski ezaguna da ekimena, hamargarren aldiz ospatuko baita aurten. 2006an egin zen lehenbizikoz, eta harrezkero, urtero ospatzen da.

Folkez Blaien helburua musikari gazteei bultzada ematea eta genero horretako musika lantzen duten taldeak ezagutara eramateko aukera eskaintzea da. Interesa duen edonork informazio gehiago jaso dezake lehiaketaren webgunean bertan; udalaren webgunean, beheko aldean, bertara esteka zuzenak aurki daitezke.

Hamargarren edizio honetan, Espainia osoko sei taldek parte hartuko dute finalista gisa. Honakoak dira parte-hartzaileak:

• Bruma Folk (Kantabria)
• Klof (Nafarroa)
• Entre orillas (Bartzelona)
• Gavheta (Pontevedra)
• Ulträqäns (A Coruña)
• SEU (Asturias)

Bestalde, eta aurreko edizioetan bezala, talde gonbidatuen musikaz gozatzeko aukera ere izango da. Aurtengoan, La M.O.D.A. (Burgos), Dead Bronco (Bizkaia) eta Vrienden (Asturias) izango dira geure artean; azken horiek, gainera, iazko irabazleak dira. Gainera, Ermuko Fouraleda banda eta Alboka musika eskolako akordeoi-joleak ere arituko dira.

Folkez Blai lehiaketako programa osoa esteka honetan aurki daiteke.