Euskara, gure jolastokietan ere bai

Ermuko Udaleko Euskara Sailak sentsibilizazio kanpaina berri bat jarri du martxan, gurasoei euskararen erabileraren garrantzia gogorarazteko.

Izan ere, jakina da umeek inguruan ikusten dutenetik ikasten dutela, eta gurasoak izaten dira euren eredu: gurasoek nola, umeek hala. Horregatik, oso garrantzitsua da familia esparruan euskararen erabilera sustatzea.

Hizkuntzaren erabilera indartzeko eta euskararen presentzia areagotzeko, Ermuko jolasguneetan gurasoek euskaraz egiteko garrantziaz ohartarazteko binilozko euskarriak jarri ditu Udalak.

Ekimen hau euskara ondorengotaratzeko planen barruan jokatzen da, eta familia esparruan euskararen erabilera sustatzeko dagoeneko abian dauden beste ekintzekin bat egiten du. Honakoak abiatu dira orain artean:

• Adur zapia
• Esadazu euskaraz
• Ume elebidunen gurasoentzako esku-liburua
• Kuku kantu liburua
• Gurasolagun
• Bularretik mintzora
• Emoizu irakurtzen gida
• Euskarazko produktuen katalogoa