Ikus-entzunezkoak ezagutzeko bi ikastaro eskainiko ditu Lobiano Kultur Guneak

Ermuko Udaleko Kultura Sailak urteko azken hiruhilekorako bi tailer antolatu ditu. Biak 18 ordukoak izango dira, eta ikus-entzunezkoen munduan murgiltzeko aukera eskainiko dute.

Izena emateko epea gaur, irailaren 23a, zabaldu da, eta urriaren 2an amaituko da. Lobianoko bulegoetan egin daiteke izen-ematea, eta ikastaro bakoitza 27 euro kostatuko da; ikasleentzat, langabetuentzat eta Gazte Txartela dutenentzat, aldiz, 18 euro.

Lehenengo ikastaroak Argazkilaritza: oinarrizko tailerra du izena, eta ikasleek argazkigintzari eta kameraren erabilerari buruzko oinarrizko ezagutzak lortzeko aukera izango dute. Parte-hartzaileek kamera eraman beharko dute, reflex motakoa edo konpaktua, baina lehenengo motakoa hobesten da, aukera gehiago eskaintzen baititu.

Urriaren 5ean hasiko da ikastaroa, eta astelehenero izango dira klaseak 19:00etatik 21:00etara, Fotografia Aixer-erko Asierren eskutik. Lobiano Kultur Guneko Tailerren Gelan emango da ikastaroa, eta honako egutegia izango du:

• Urria: 5, 19 eta 26
• Azaroa: 2, 9, 16, 23 eta 30
• Abendua: 14

Bigarren ikastaroa Bideoak grabatzen eta editatzen ikasteko tailerra izango da, eta ikus-entzunezkoetan modu egokian murgiltzeko adina gauza ikasteko aukera emango die parte-hartzaileei. Asteazkenero izango da tailerra, 19:00etatik 21:00etara Lobianon, eta Asier izango da irakaslea.

Urriaren 7an hasiko dira klaseak, eta honela gelditu da ikastaroaren egutegia:

• Urria: 7, 14, 21 eta 28
• Azaroa: 4, 11, 18 eta 25
• Abendua: 3

Informazio gehiago eskuratzeko, lerro hauen azpian txertatutako kartela zabaldu dezakezue.