PAM talde ermuarrak disko berria aurkeztuko du Lobianon

‘Hurrengoan Bai’ du izena Puto Amoak Matematiketan (PAM) taldearen azken diskoak. Ermuarrek Lobiano Kultur Gunean aurkeztuko dute bihar, larunbata, euren seigarren lana.

Laukoteak diskoaren aurkezpen festa eskainiko du 20:30etik aurrera, eta kantu berriak jotzeaz gain, aurreko lanetako abestiak eta bertsioren bat ere entzuteko aukera izango da. Bi kontzertu ezberdin izango dira azkenean.

Ikus-entzuleek emanaldiaren zati baten eta bestearen artean luntx txiki batez gozatzeko aukera izango dute Lobianon bertan.

Sarrerak hiru euro balio du, eta Kultur Gunean erosi daitezke.

• Ekitaldiaren kartela