Erabiliz ikasi, mintzatu, praktikatu: Berbalagun!

Ermuko Udalak, Euskal Birusa, Udal Euskaltegia eta Euskaraz Kooperatibarekin lankidetzan, aurten ere Berbalagun egitasmoa martxan jarriko du. Egitasmo honen bitartez euskaldun zahar eta berriak elkarrekin erlazionatzen dira; batzuek zein besteek euskaraz mintzatzeko eta praktikatzeko aukera izan dezaten, kideen arteko harreman sarea sendotuz. Egitasmo hori 2002an jarri zen martxan estreinako aldiz eta aurtengo edizioarekin bere XIV. urteurrena beteko du, astez aste, talde txikietan ehun lagun baino gehiago biltzen direlarik. Berbalagunen helburua, azken batean, herritar orori euskaraz bizitzeko eta praktikatzeko aukera eskaintzea eta euskararen presentzia gure kaleetan eta gizartean areagotzea da.

Astean behin egiten diren hitzorduez gain, Berbalagun barruan formatu txikiko ikastaroak eta txangoak ere antolatzen dira, euskara egunero bizi ditugun edozein egoeratan euskara normaltasunez erabiltzeko helburuz. Ikastaroak partaideek proposatutakoak dira eta asteroko hitzorduetan parte hartzen ez duten herritarrei ere zabalik daude. Lehenengoa azaroaren 4an izango da Kzgunean, non sare sozial berriak eta konkretuki Facebook-a landuko den.

Parte-hartzea doakoa da eta ondoko lekuetan eman behar da izena urriaren 22a baino lehen:

• Udal Euskaltegia: Teresa Murga 2. solairua. Tel.:943 17 09 25
• Kaltxango AEK Euskaltegia: Bizkaia etorbidea 13 behea. Tel.: 943 17 1 940
• Euskal Birusa euskara elkartea: Erdiko kale 2, 1. Tel.: 943 17 93 50
• Ermuko Udal Euskara Saila: Konbentukoa 5. Tel.: 943 17 91 47