Hastear dira XXVIII. Mikologia Jardunaldiak

Mikologiari buruzko jardunaldiak ospatuko dira beste behin Ermuan; aurtengoa hogeita zortzigarren edizioa izango da. Ostegun honetan, kirolaren eguna, Ander Garciandia eta Ander Santos atletei omenaldia eginez hasiko da ekitaldien programa. Orbe Kardinala plazan egingo zaie gorazarre 19:00etan, eta bi ordu geroago, afaria egingo dute.

Ostiralean, Pablo Garcia Azkarate Bizkaiko Mikologia Federazioko presidenteak eta Pedro Castro Sanchez adituak hitzaldi didaktikoa eskainiko dute 19:00etan Lobianon. “Bilboko betiko perretxikoak” izango da jorratuko duten gaia.

Larunbatean ez da etenik izango, goizean goizetik inguruko mendietara txangoa egingo baita espezie bila. Gero, arratsaldeko 16:00etan, parte hartzaileak plazan bilduko dira jasotakoarekin hautaketa eta sailkapena egiteko. Eguna biribiltzeko, musika egongo da eta Oliver magoak emanaldia eskainiko du 18:30etik aurrera.

Igandean amaituko dira jardunaldiak, aurreko egunean bildutako eta sailkatutako espezieen erakusketarekin. Goizeko 10:00etatik aurrera egongo da ikusgai Orbe Kardinala plazan, eta musika, dastaketa, eskulanak eta antolatzaileei sari banaketa ere izango dira.

• XXVIII. Mikologia Jardunaldietako kartela
• Ekitaldien programa