Truke egunak Ermuko emakumeen topalekuan

Ermuko Emakumeen Topalekuak jarduera berri bat jarri du abian, truke-egunak izenekoa emakume eta gizonen berdintasunerako udal politikaren esparruko programa zabalagoaren baitako jarduera berri bat da, emakumeen partaidetza  sustatzeko eta jabekuntza-espazio hau dinamizatzeko. Bi hilean behin egun batzuez soilik Topalekuan izango den truke-espazio bat da, ohiko hedabideen bitartez (kartelak, web orria…) aldez aurretik iragarriko den aste bateko bost lanegunez zehazki. Ordutegia Topalekuaren arreta-ordutegia izango da, goizez eta arratsaldez, ostiralean izan ezik.

Inolako irabazi-asmorik gabeko dohaintzak eta trukeak izango dira, eta ez da ordainketarik ez kobrantzarik egingo, objektuen trukea baizik. Jendeak musu-truk entregatuko ditu jada erabiltzen ez dituen baina erabiltzeko moduan eta garbi dauden objektuak, ordainetan ezer jaso gabe truke-programarentzat emanez.

Truke hauetan parte hartzeko izena eman beharra dago; izen-ematea lehen dohaintzarekin batera egingo da, pertsona berak egiten duen dohaintza bakoitzean eguneratuko delarik.

Ekintzaren helburu nagusiak  ondorengoak dira:

• Gure kontsumo-ohituren inguruan hausnarketa piztea, gure planeta iraunarazteko gauzak berrerabiltzea zein garrantzitsua den konturatu gaitezen.
• Kontsumoaren arloan jokabide aktiboagoa eta jabetuagoa sustatzea, generoaren ikuspegitik.
• Hondakin gutxiago sortzen laguntzea, jada erabiltzen ez ditugun baina ondo dauden gauzei beste aukera bat emanez.
• Berrerabilera, truke eta birziklapenaren arloan dauden esperientzia berriak ezagutzera ematea.
• Adinez, jatorriz eta abarrengatik ezberdinak diren beste emakume batzuekiko elkartrukeari eta topaketari bidea zabaltzea.
• Emakumeen Topaguneak burutzen dituen jabekuntzarako beste programa batzuk eta berdintasunaren aldeko ekintzak ezagutzera ematea.

Informazio gehiago nahi izanez gero, edota parte hartzeko: Emakumeen Topalekua Izelaieta kalea 12, 48260 ERMUA. 943171030 telefono zenbakira deituta eta ondorengo postontzira idatzita igualdad2@udalermua.net.