Izapidatzen ari da baimena administratiboa herriko establezimenduek Gabonetan ordutegia luzatzeko

Eguberri eta gabon-jaiak direla-eta, Udalak izapidatzen ari da baimena administratiboa herriko establezimenduek ordutegia luzatu eta beranduago itxi ahal izan dezaten. Hori horrela, aurtengo abenduaren 18tik urtarrilaren 6ra bitartean, biak barne, baimena izango dute gure herriko jatetxe, kafetegi eta tabernek itxierako ohiko ordutegia luzatu eta beste bi ordu gehitzeko.

Euskadiko Autonomi Erkidegoaren eremuan establezimenduentzat ezarrita eta Eusko Jaurlaritzaren Segurtasun Sailak honi buruz duen 36/2012, martxoaren 13ko, Dekretuan zehaztutakoaren babesean hartu da ordutegiak luzatzeko erabakia. Erregulazio horretan xedatzen da establezimenduek ixteko duten ordutegia luzatu ahal izango dela jai eta data berezietan.

• Ordu eta erdi ostiral, larunbat, eta jaiegunen bezperatan.

Salbuespen eta luzapen horiek ohiko ordutegiari eransten edo gehitzen zaie. Ordutegiak zehazturik daude establezimenduaren tipologia edo motaren arabera. Sailkapena ondorengoa da:

Establezimenduen ordutegiak  Eguberri jaietarako

Taldea	Ixteko ohiko ordutegia (neguan)	Ostiral, larunbat eta jaiegunen bezperatan	Eguberri jaietarako
			15/12/18tik 16/01/06ra
1	23:00ak	1:30a	3:30ak
2	1:30ak	2:30ak	4:30ak
3	2:30ak	4:00ak	6:00ak
4	4:30ak	6:00ak	8:00ak

• 1ngo taldea: Gazteentzako dantza-aretoak eta dantzalekuak, diskotekak,dastalekuak, izozki-dendak, txokolategiak, txurro-dendak, kruasan-dendak, te-aretoak eta antzekoak
• 2. taldea: Tabernak, ardandegiak, edalekuak, kafetegi-tabernak, snack-ak, jatetxeak, erretegiak, kafetegiak, autozerbitzuak,janari-etxeak,txokoak, elkarte gastronomikoak, sagardotegiak eta antzekoak.
• 3. taldea: Taberna bereziak, whiskitegiak, klubak, bar amerikarrak, pubak, disko-barrak, karaokeak eta antzekoak.
• 4. taldea: Dantzalekuak, dantza-aretoak, diskotekak, kafe-teatroak, ikuskizunak dituzten jatetxeak eta antzekoak.
• 36/2012 dekretua, martxoaren 13koa, Jendaurreko ikuskizun eta jolas-jardueren ordutegiak eta jarduera horiei buruzko beste alderdi batzuk Euskal Autonomia Erkidegoaren eremuan ezartzen dituen Dekretua bigarrenez aldatzen duena.
• 14/2014 dekretua, otsailaren 11koa, Jendaurreko ikuskizunen eta jolas jardueren ordutegiak eta jarduera horiei buruzko beste alderdi batzuk Euskal Autonomia Erkidegoaren eremuan ezartzen dituen Dekretua hirugarren aldiz aldatzen duena.

Gure udalerrian hiru establezimendu ditugu 4. taldean. Beste hiru hirugarrenean ditugu eta gehienak –ia guztiak- bigarren taldekoak dira. Azkenik, lehenengoan ditugunak ere urriak dira, ia apenas.

Horrez gain, gogoratu behar dugu baita ere, 3. eta 4. taldeko establezimenduek itxieratik berriz zabaldu artean gutxienez sei ordu gorde behar dituztelarik.

Ixteko ordutegia luzatzeak, ez ditu establezimenduen titularrak salbuesten gainerako herritarrei, segurtasunari edo osasun eta ingurumenari eragozpen edo kalteak sortu ez izanagatik.