Valdespina parkeko ‘pispilu’ zuhaitzak loreak ditu

Zuhaitzak loratu izana fenomeno aparta izan arren, ez ohi da albiste izaten normalean. Eta are gutxiago dagokion unean, hau da, udaberrian bada. Aldiz, kontatzen ari gatzaizkizuen kasua ez da hori, egutegiak urtarrilaren 21a dugula dioelako, ez martxoaren 21a. Nolanahi ere, gaia da Ermuko Baldespina Markesaren parkean dugun ‘magnolio soulangeana’ zuhaitza -herrian ‘pispilu’ izenaz ezagunago duguna- loratzen dago azken aste eta egunetan. Izan ere, agerian ditu hosto zuri eta arrosa mamitsu eta dotoreak.

Egoera xelebre eta deigarria da oraindik neguaren –gorriaren- lehen hilean gaudelako. Horren arrazoia eguraldian egon liteke, udazken nahiz negu epela eta euri gutxikoa bizi baitugu. Izan ere. Naturak bere bultzada eta senari jarraitzen baitio, gizakiok onartu eta adostuak ditugun konbentzionalismoei –hilabete, data eta orduei- lotu gabe. Goza dezagun ikuskizunaz!.