Egun gutxi barru hasiko dira San Pelaioko igogailua muntatzen

San Pelaio, Aldapa eta Zerukoa kaleetan igogailu publiko eta doakoak egin eta abian jartzeko lanek aurrera doaz. Zeregin ezberdinak aurreikusitako plangintzarekin bat jarraitzen dute. Obra zibila jada antzematen da eta erremateak eginen daude. Datorren astetik aurrera, bultzada emango zaio obrari materiala iristen eta ipintzen hasi baita. Izan ere, azken asteetako zeregin nagusiena egitura horiek egitea izan baita, oinak, kabinak eta pasarela guztiak neurrira eta proiektu honetarako espresuki egindakoak direlako. Fabrikazio eta muntai lan hori ez da bistakoa izan, herritik kanpoko tailerretan egin baita, nolanahi laster ikusteko aukera izango dugu. Olabarri eraikuntzak da enpresa esleipenduna eta hiru kokalekutan ari da aldi berean lanean, San Pelaion, Aldapan eta Zerukoan.

Zonalde eta kale bakoitzean gauzatzen ari diren lanak zertan dira laburbilduta, egoera ondokoa da:

Zerukoa

Gogoratzen dugu Zerukotik Ongaraira –Institutu nahiz eskoletara joateko- bidexka zabalik dagoela. Horrela mantenduko igogailua muntatzen hasi artean.

Aste honetan –otsailaren 8tik 12ra bitartean- argiak ipintzeko eta oina egiteko lanei emango zaie hasiera.

Aldapa

Aldapako eskailerak itxita segitzen dute eta pertsonek ez dugu horiek erabiltzerik. Aste honetan eskailera horiek bukatzeko lanekin aurrera jarraituko dute langileek.

San Pelayo

Azkenik, San Pelaiori dagokionez esan behar ostegunean hasiko direla igogailua muntatzen, piezak jaso eta gero.

Datorren astean –otsailaren 15etatik 19ra- bitartean San Pelaiotik Aldaparako pasarela muntatzeari ekingo diote langileek eta hainbat aparkaleku okupatu eta zerbitzurik gabe utzi beharko dira.

Muntai horren barne San Pelaiotik Aldapara doan zatia otsailaren 18an egingo dela aurreikusita dago eta lanak egiten diren bitartean, trafikoa eten egin beharko da.

Goiko aldean eta Aldapara iritsi aurreko eskaileren azken zatia erabiltzen ahalbidetuko duen metalezko tutuen aldi baterako eskailera erretiratu egin da. Tarte hori zabalik dago pertsonentzat, igo nahiz jaisteko.