Nagore Rodriguezen lanak ikusgai Lobianon

Nagore Rodriguez margolari ermuarraren lanak Lobiano Kultur Guneko erakusketa aretoan ikusi daitezke. Hogei bat margolanek osatzen dute galeria, eta datorren martxoaren seira arte, igandea, zabalik egongo da egunero.

1991an Ermuan jaio zen Nagore Rodriguez, eta jaioterrian nahiz Estatu Batuetan bizi da gaztea. Artista autodidakta da, eta gehienbat olio pintura eta arte digitala lantzen ditu. Dena dela, akuarelekin, pintura akrilikoekin eta arkatzarekin ere aritzen da. Erakusketan ikus daitekeen moduan, emakumezko modeloak dira gehien jorratzen dituenak.

Lobiano Kultur Guneko galeria egunero izaten da zabalik 18:00etatik 20:00etara, otsailaren 22an hasi eta martxoaren 6ra arte. Sarrera doakoa da.

• Erakusketaren kartela

Lerro hauen ostean Lobianon erakusgai dauden obra batzuk ikus daitezke: