2015eko kultur ekimenei errepasoa, Oscar Blancoren kameratik begiratuta

Oscar Blanco Gutiérrez argazkilari ermuarraren lanak ikusgai daude Lobiano Kultur Gunean. Kultura Saileko eta udal webgune honetako ohiko kolaboratzailea da, eta bere 25 lan inguru ikus daitezke jauregiko erakusketa aretoan.

“Ermua 2015” izenpean, argazkilariak pasatu den urtean Ermua Antzokian izan ziren artisten errepasoa eskaintzen du. Antzezlanak, kontzertuak nahiz haurrentzako emanaldiak ikus daitezke bertan, eta irudi bakoitzak obraren, artistaren edota taldearen izena eta ikuskizunaren data darama idatzita.

Erakusketa zabalik egongo da datorren martxoaren 20a arte, 18:00etatik 20:00etara, astelehenetik igandera. Sarrera doakoa da.