Juan Ayestaren eta Jone Telleriaren margolanak, Lobianon ikusgai

13.04.16
Kultura eta Gazteria

Baterako erakusketa bat ikus daiteke egunotan, eta igande honetara arte, Lobiano Kultur Gunean. Juan Ayesta eta Jone Telleria margolari gipuzkoarrek euren lanak jarri dituzte ikusgai jauregiko bi erakusketa aretoetan.

Erakusketa bakar bat izan arren, bi artisten lanek ez dute inolako zerikusirik euren artean. Lehenengo aretoan Juan Ayesta beasaindarraren obrak ikus daitezke, eta markotik kanpora irteten diren margolanak dira. Gehienak tamaina handikoak dira; denetan handiena Lobianoko sarreran bertan ikus daiteke: erliebean egindako arratoiz osatutako koadro izugarria.

Bestalde, Jone Telleria bergararraren galerian ikatzarekin marraztutako gizakiak dira nagusi. Hogei bat lanek osatzen dute erakusketa, eta Lobianoko bigarren aretoan dago ikusgai.

Erakusketa zabalik dago igandera arte, 18:00etatik 20:00etara, eta sarrera doakoa da.

Jarraian erakusketako hainbat argazki ikus ditzakezu:

Lotutako albisteak

05.05.25
2007tik 2012ra jaiotako gazteentzako doako areto-futboleko txapelketa

Txapelketak izaera ludikoa izango du, ekainean jokatuko eta izen-emateak maiatzaren 20ra arte egin daitezke
29.04.25
Antzokiak maiatzeko programazioari ekingo, zineari irailera arte agur esango dioen hilabetea

Aste honetan "La chica de las Aguja", "Por todo lo alto", "Un funeral de locos" eta "La Luz de Aisha" proiektatuko ditu
24.04.25
Pintura Eskolako ikasleen sormena eta lanak ikusgai izango Lobianon

Ikasturteko lanen erakusketa hartuko apirilaren 28tik maiatzaren 9ra bitartean