Ermuko I. Padel Txapelketa Soziala antolatu du UKEk

Ermuko Udal Kirol Erakundeak padel modalitatearen Lehenengo Txapelketa Soziala antolatu du gure herrian. Hori maiatzaren 6tik 21era bitartean jokatuko da Aritzmendi pilotalekuaren atzeko aldean dauden pista bietan. Partidak ostiral arratsaldetan, sei eta erdietatik gaueko 9etara bitarteko ordutegian, eta larunbatetan, goizeko 9:15etatik arratseko 8etara bitartean. Bikoteko 10 euro ordaindu beharko da izen-emateagatik. Txapelketa hau mistoa izango da, hau da, jokalari emakume nahiz gizonezkoentzat. Saria jasoko dute sailkapen orokorraren arabera lehenengo bi postuetan geratzen diren bikoteek.

Izen-emateak zabalik daude eta Miguel Angel Blanco kiroldegian egin daitezke, hirugarren solairuan dagoen bulegoan. Epemuga maiatzaren 3a, arratsaldeko sei eta erdietan izango da. Argibide gehiagorako deitu 943 17 90 90 telefono zenbakira edo idatzi clientes@imdermua.com postontzi elektronikora.

• I. Padel Txapelketako kartela