Udalekuetarako izen-ematea datorren astean hasiko du Euskara sailak

Udal Euskara Sailak datorren astean aurtengo udalekuetako kanpainari hasiera emango dio eta izen-emateak hasiko. Programa eta jardueren behin-behineko egitaraua adostu du dagoeneko, Antxitxiketan Begirale Taldearekin batera. Iaz bezala, aurten ere, udalekuek hiru asteko iraupena izango dute, ekainaren 27tik uztailaren 15era bitartean, alegia.

Maiatzaren 11n -asteazkenean- zabalduko da inskripzioa eta maiatzaren 18ra arte izena eman ahalko da Euskara Sailean.

Udaleku hauek Lehen hezkuntzako ikasleei zuzenduta daude eta ondo pasatzeaz gain, euskaraz jardutea eta disfrutatzea dute helburu.