Ermuko Euskal Liburu eta disko azokaren XXIV. edizioa hastear

Hurrengo astean abiatuko da Ermuko Euskal Liburu eta disko azokaren XXIV. edizioa eta dagoeneko Euskara Sailak egun hauetan izango den egitaraua zehaztu du. Aurten, 9 postu jarriko dira plazan non euskaraz argitaratu diren azken nobedadeak ikusteko aukera izango da. Irekiera maiatzaren 19an, ostegunean izango da eta postuak asteburu osoan zehar zabalik egongo dira.

Herriko jendea animatzeko asmoz hainbat ekitaldi burutuko dira egun hauetan:

• Maiatzaren 19an, osteguna, goizeko 11:00etan zabalduko da azoka eta egun honetan hainbat ikastetxeren bisita izango da..
• Maiatzaren 20an, ostiralean, 17:30ean azokan bertan Iñaki Carreterok ipuin saioa eskainiko du.
• Maiatzaren 21an, larunbata, 12:00etan umeentzako tailerrak hasiko dira plazan.
• Maiatzaren 24an, asteartea, 19:15ean Lobiano Kulturgunean, Mallabiko Izaro Andres abeslariarekin solasean jarduteko aukera.

Azokaren ordutegia goizez 11:00etatik 14:00etara eta arratsaldez 16:30etik 20:30era izango da, ostegun eta ostiralean. Asteburuan, berriz, ordu erdi beranduago zabaldu eta itxi egingo da, hau da, goizez 11:30etik 14:30era eta arratsaldez 17:00etatik 21:00etara.

Hainbat lotura karteletara

• Izaro Andresekin solasean
• Ipuin kontalaria
• Umeentzako tailerrak