‘La Banda Lavanda; cuaderno de creación, metodología y experiencias’ liburuaren aurkezpena

Silvia Palumbo Jaime polifazetikoak –kantautorea, musikari, idazle eta antzezle argentinarra- Ermuan izango da biharko egunean -ostegunean- ‘La Banda Lavanda; cuaderno de creación, metodología y experiencias’ izenburuko argitalpena aurkezteko ekitaldian. Aurkezpena Lobiano Kulltur Gunean egingo da, arratseko seietatik aurrera, sarrera doan eta nahi duen guztiarentzat libre delarik. Ekitaldia udal Aukera Berdintasun sailak antolatu du, Ermuko Andrabanda Feministaren laguntzarekin bat.

Liburu honek Silvia Palumbok sortutako artearen bitarteko jabekuntza-tresna feministaren jatorria, garapena eta agerpena zeharkatzen ditu. Horrez gain, Argentinako diktadura militarrean hazitako aktibista baten istorioa kontatzen digu, artista, sortzailea, danbor-jole eta feminista baten istorioa, alegia lehenengo pertsonan kontatua.

Bidaia pertsonaletik abiatuta, egintza kolektibo bilakatzen da lana, munduan zehar danbor-joleek eragiten dituzten perkusio-soinu, abesti eta mugimenduen bitartez.

Autoreari buruzko hainbat datu

Silvia Palumbo Jaime 1963an jaio zen Lincoln-en, Buenos Aireseko probintzian (Argentinan). Abeslaria, artista eta formatzaile-musikaka, aktibista feminista eta lesbiana. Las Lunas y Las Otras talde feministen sortzailea ere bada. 3 diska editatu ditu, Argentina eta Uruguayko emakume abeslarien bilduma sortu du eta La Banda Lavanda albuma grabatu du. Ensayo de señoronas antzerki forma duen musika emanaldiaren sortzailea eta zuzendaria da, eta las DesBandadas banda ere zuzentzen du, ‘La Banda Lavanda’ proiektuaren baitan dagoena.