Odola emateko aukera, Bizkaia Etorbidean

Ermuko Odol Emaileen Elkarteak (Donaser) odola emateko saioa antolatu du ostegun honetarako, ekainak 16rako. Bi txanda izango ditugu aukeran, eta Transfusio eta Giza Ehunen Euskal Zentroak Ermura ekarriko duen unitate mugikorrean eman ahalko da odola.

Unitate mugikorra elkarteko egoitzaren aurrean jarriko da bihar, Bizkaia Etorbidean, anbulatorio zaharraren aurre-aurrean. Ermuan izango da egun osoan zehar, eta goizez nahiz arratsaldez izango da odola emateko aukera: 9:15etik 14:00etara, edota 16:30etik 21:00etara.

Herriko odol-emaileak jakinaren gainean daude jada, deialdi bakoitzeko sms eta e-posta bidezko mezuak jasotzen baitituzte eskuko telefonoetan eta ordenagailuetan.