Kirolerako diru-laguntzak eskatzeko deialdia zabaldu du Udalak

Ermuko Udaleko Kirol zinegotzigoak kirolarekin lotura duten entitateak eta ekintzak diruz laguntzeko deialdia ireki berri du. Guztira 50.952,5 euroko aurrekontua izango da aurtengoan, eta hiru lerrotan banatuta egongo da: batetik, Ermuko kirol-erakunde eta elkarteei egiturak garatu eta sendotzeko laguntzak; bestetik, garrantzizko kirol-ekitaldiak antolatzeko diru-laguntzak; eta azkenik, nazio, europar eta nazioarteko kirol federatuko ohiz kanpoko ekitaldietan parte hartzeko laguntzak.

Deialdia zabalik dago pasatu den ekainaren 22tik, asteazkena, eta uztailaren 15ean, ostirala, amaituko da eskaerak aurkezteko epea.

Ermuko kirol-erakunde eta elkarteei egiturak garatu eta sendotzeko laguntzak dira, kopuruz, handienak, 27.800 euroko aurrekontua baitute guztira. Lotura honetan aurki daitezke deialdiari buruzko xehetasun guztiak, oinarriak, eskaera egin ahal izateko bete beharreko dokumentuak eta bestelako garrantzizko informazioa.

16.852,50 eurorekin lagunduko dira, bestalde, garrantzizko kirol ekintzak antolatu ahal izateko ekimenak. Mota horretako laguntzen oinarriak irakurri edota informazio gehiago jaso nahi izanez gero, jarraitu lotura honi.

Azkenik, nazio, europar eta nazioarteko kirol federatuko ohiz kanpoko ekitaldietan parte hartzeko eskaera luzatzen dutenentzat guztira 6.300 euroko aurrekontua jarriko du Udalak. Laguntza horri buruzko informazio guztia, hemen.

Eskaerak Internet bidez aurkeztu daitezke webgune korporatibo honen egoitza elektronikoaren bitartez, Miguel Ángel Blanco Udal Kiroldegiko bulegoetan edota Abiapuntuko bulegoan.