Txarangen arteko jokoek eta bertsoek Santixauak 2016ko programa irekiko dute

Gaurtik aurrera jaiak ez du etenik izango Ermuan. Gaur osteguna, hilak 14, jai-giroz beteko da herria. Ekitaldi nagusiak 24tik 27ra bitartean ospatzen diren arren, gaurtik aurrera hainbat ekintza izango dira Santiago Apostoluaren omenezko festen egitarauaren barne.

Arratsaldeko 18etan Tratu Onen aldeko Selfie lehiaketa hasiko da, eta aurrekoan komentatu genuen moduan hilaren 18ra arte luzatuko da. Arratsaldeko zazpietan koadrilen arteko jokoak herriko plaza alaituko dute. Jokoen lehengo egunean, harra eta jatorrizko bekatua probetan lehiatuko dira koadrilak. Ordu berean, zine-forum emanaldia eskainiko da Lobianon, “Dévoir de Mèmoire” filma aurkeztuz.

Bertso jaialdia

Gauean, Martxoak 8 plazan, Deba-beheko Eskolak antolatutako bertso jaialdiaz gozatzeko aukera izango dugu. 22:30etatik aurrera, Maider Arregi, Beñat Ugartetzea, Oihana Guaran, Jone Larrinaga, Egoitz Gorosterrazu eta Aitor Servier aurtengo jaialdiko protagonistak izango dira. Azkeneko urteetan bezala, Unai Rodriguez gai jartzaile lanetan arituko da.

Jaietako programa eguneratuta edukitzeko, hemen usten dizuegu.